She says she loes me best of a’ by Robert Burns

SAE flaxen were her ringlets,
Her eyebrows of a darker hue,
Bewitchingly o’er-arching
Twa laughing e’en o’ lovely blue;
Her smiling, sae wyling.
Wad make a wretch forget his woe;
What pleasure, what treasure,
Unto these rosy lips to grow!
Such was my Chloris’ bonie face,
When first that bonie face I saw;
And aye my Chloris’ dearest charm—
She says, she lo’es me best of a’.


Like harmony her motion,
Her pretty ankle is a spy,
Betraying fair proportion,
Wad make a saint forget the sky:
Sae warming, sae charming,
Her faultless form and gracefu’ air;
Ilk feature—auld Nature
Declar’d that she could do nae mair:
Hers are the willing chains o’ love,
By conquering Beauty’s sovereign law;
And still my Chloris’ dearest charm—
She says, she lo’es me best of a’.


Let others love the city,
And gaudy show, at sunny noon;
Gie me the lonely valley,
The dewy eve and rising moon,
Fair beaming, and streaming,
Her silver light the boughs amang;
While falling; recalling,
The amorous thrush concludes his sang;
There, dearest Chloris, wilt thou rove,
By wimpling burn and leafy shaw,
And hear my vows o’ truth and love,
And say, thou lo’es me best of a’.

by Robert Burns

Other poems by 'Robert Burns'

A Ballad

A Dirge

A Grace after Dinner

Willie brew’d a Peck o’ Maut

A Cantata

Sweet Afton

Ah, Woe Is Me, My Mother Dear

A Rose-bud by my Early Walk

The Farewell to the Brethren of St. James’s Lodge, Tarbolton

A Poet’s Welcome to his Love-Begotten Daughter

Search Poems
e.g. love, marriage, kids

Popular poems this week

In Silence We Left

The Lost Dances of Cranes

The Author to her Book

Summer Evening

The Lesson

A chilly Peace infests the Grass

To Mæcenas

You Fit Into Me

mr youse needn't be so spry..

Oh, honey of an hour